ଉତ୍ତରପ୍ରଦେଶ ଫିରୋଜାବାଦ ଜିଲ୍ଳାରେ ଏକ ବଡ଼ ଦୁର୍ଘଟଣା ଘଟିଛି । ଶୁକ୍ରବାର ଅଯୋଧ୍ୟାରୁ ବୃନ୍ଦାବନ ଅଭିମୁଖେ ଯାଉଥିବା ଏକ ଯାତ୍ରୀବାହୀ ଟ୍ରାଭେଲର ବସ ଲକ୍ଷ୍ମୌ – ଆଗ୍ରା ଏକ୍ସପ୍ରେସଓ୍ବେରେ ନାସିରପୁର ଥାନା ଅଞ୍ଚଳରେ ଦୁର୍ଘଟଣାଗସ୍ତ ହୋଇଥିଲା । ବସଟି ରାସ୍ତାରେ ଛିଡ଼ା ହୋଇଥିବା ଏକ ମିନିଟ୍ରକ ସହ ଧକ୍କା ହୋଇଥିଲା ଫଳରେ 3 ଜଣ ଯାତ୍ରୀ ନିହତ ହୋଇଛନ୍ତି ଓ ଆଉ 5 ଜଣ ଆହତ ହୋଇ ଚିକିତ୍ସିତ ହେଉଛନ୍ତି ।
ଦୁର୍ଘଟଣା ସମ୍ପର୍କରେ ସୂଚନା ଦେଇ ପୁଲିସ ଅଧୀକ୍ଷକ ଅଖିଳେଶ ଭଦୋରିଆ କହିଛନ୍ତି ଯେ ଗୁଜରାଟରୁ ତୀର୍ଥଯାତ୍ରୀଙ୍କୁ ଉତ୍ତରପ୍ରଦେଶକୁ ନେଇ ଯାଉଥିବା ବସ ଶୁକ୍ରବାର ସକାଳେ ଲକ୍ଷ୍ମୌ ଆଗ୍ରା ଏକ୍ସପ୍ରେସଓ୍ବେରେ ଦୁର୍ଘଟଣାଗ୍ରସ୍ତ ହୋଇଥିଲା ବସଟି । ରାସ୍ତାରେ ଛିଡ଼ା ହୋଇଥିବା ଏକ ମିନିଟ୍ରକକୁ ପଛପଟୁ ଧକ୍କା ହେବାଫଳରେ ଏଥିରେ ଥିବା 8 ଜଣ ଯାତ୍ରୀ ଗୁରୁତର ଆହତ ହୋଇଥିଲେ ।
ସୂଚନାଯୋଗ୍ୟ ଯେ ଗୁଜୁରାଟରୁ ପ୍ରାୟ 17 ଜଣ ତୀର୍ଥଯାତ୍ରୀଙ୍କୁ ନେଇ ଟ୍ରାଭେଲର ବସଟି ଅଯୋଧ୍ୟାରୁ ବୃନ୍ଦବନ ଅଭିମୁଖେ ଯାଉଥିଲା । ସକାଳ ପ୍ରାୟ 6ଟା ବେଳେ ଏହି ଘଟଣା ଘଟିଛି । ଏହାପରେ ସମସ୍ତ ଆହତଙ୍କୁ ହସ୍ପିଟାଲରେ ଭର୍ତି କରାଯାଇଥିଲା । ଯେଉଁଠାରେ ତାଙ୍କର ଚିକିତ୍ସା ଚାଲିଛି।
