ଯାହା ଘର ଉପରେ ବୁଳଡ଼ୋଜର ଚଢାଉଛ ତାକୁ 25 ଲକ୍ଷ ଦିଅ

ଯାହା ଘର ଉପରେ ବୁଳଡ଼ୋଜର ଚଢାଉଛ ତାକୁ 25 ଲକ୍ଷ ଦିଅ । ଏଭଳି କିଛି କହି ଉତ୍ତରପ୍ରଦେଶ ଯୋଗୀ ସରକାରଙ୍କୁ ଭତ୍ସନା  କରିଛନ୍ତି ସୁପ୍ରିମକୋର୍ଟ । ଉତ୍ତରପ୍ରଦେଶ ବୁଲଡ଼ୋଜର କାର୍ଯ୍ୟାନୁଷ୍ଠାନ ନେଇ ସୁପ୍ରିମକୋର୍ଟ ବଡ଼ ନିଷ୍ପତ୍ତି ନେଇଛନ୍ତି । ବୁଲଡ଼ୋଜର ଲଗାଇ ଯାହାଙ୍କ ଘର ଭଙ୍ଗାଯାଇଛି ତାକୁ 25 ଲକ୍ଷ ଟଙ୍କା କ୍ଷତିପୂରଣ ଦିଅନ୍ତୁ ବୋଲି କୋର୍ଟ ଆଦେଶ ଦେଇଛନ୍ତି । ଏହି ମାମଲାରେ ମୁଖ୍ୟ ବିଚାରପତି କହିଛନ୍ତି ଯେ ଘର ଭାଙ୍ଗିବା ସମୟରେ କୌଣସି ପ୍ରକ୍ରିୟା ପାଳନ  କରାଯାଇ ନାହିଁ । ଏନେଇ କୌଣସି ନୋଟିସ ଜାରି କରାଯାଇ ନଥିବା ଖୋଦ ସରକାରଙ୍କ ପକ୍ଷରୁ ଦାଖଲ ସତ୍ୟପାଠରେ କୁହାଯାଇଛି । କେବଳ ଏତିକି ନୁହେଁ ୟୁପି ସରକାରଙ୍କ କାର୍ଯ୍ୟ ମନମୁଖୀ । ନିର୍ଦ୍ଧାରିତ ସ୍ଥାନରେ ପହଞ୍ଚି ହଠାତ ଘର ଭାଙ୍ଗିଦେବା ଉଚିତ ନାହିଁ । ଏଣୁ ରାସ୍ତା ପ୍ରଶସ୍ତିକରଣ ବେଳେ ମଧ୍ୟ ସମାନ ଘଟଣା ଘଟୁଛି । ଲୋକଙ୍କୁ ଘର ଛାଡ଼ିବାକୁ ମସୟ ଦିଆଯାଉ ନାହିଁ । ଏଣୁ ରାସ୍ତା ପ୍ରଶସ୍ତିକରଣ ଏକ ବାହାନା ବୋଲି ମନେହେଉଛି  ବୋଲି କୋର୍ଟ  କହିଛନ୍ତି  ।