ଜମ୍ମୁ କଶ୍ମୀରର ଅନନ୍ତନାଗ ଜିଲ୍ଲାରେ ଶନିବାର ସୁରକ୍ଷା ବାହିନୀ ଓ ଆତଙ୍କବାଦୀ ମଧ୍ୟରେ ଗୁଳି ବିନିମୟ ହୋଇ ସୁରକ୍ଷା ବାହିନୀର ଏନକାଉଣ୍ଟରେ 2 ଆତଙ୍କବାଦୀ ନିହତ ହୋଇଛନ୍ତି । ଏହି ଅଞ୍ଚଳରେ ଆତଙ୍କବାଦୀ ବିରୋଧ ଅପରେସନ ଚଳାଇଥିବା ବେଳେ ଗୁଳି ବିନିମୟ ଆରମ୍ଭ ହୋଇଥିଲା ।
ଜମ୍ମୁ କଶ୍ମୀରର ଖନୟାର ଅଞ୍ଚଳରେ ମଧ୍ୟ ସମାନ ମୁକାବିଲା ହେବାର କିଛି ଘଣ୍ଟା ପରେ ସଂପୃକ୍ତ ଅଞ୍ଚଳରେ ଗୁଳି ବିନିମୟ ହୋଇଥିବା ସୂଚନା ରହିଛି ।
କିଛି ଆତଙ୍କବାଦୀ ଏହି ଅଞ୍ଚଳରେ ଲୁଚି ରହିଛନ୍ତି ବୋଲି ଗୁପ୍ତ ସୂଚନା ପାଇବା ପରେ ସୁରକ୍ଷା ବାହିନୀ ଏହି ଅପରେସନ ଆରମ୍ଭ କରିଥିଲା । ଶୁକ୍ରବାରଠାରୁ କଶ୍ମୀର ଉପତ୍ୟକାରେ ଏହା ହେଉଛି ଚତୁର୍ଥ ଆତଙ୍କବାଦୀ ସମ୍ବନ୍ଧୀୟ ଘଟଣା ।
ଶୁକ୍ରବାର ଦିନ ଉତ୍ତରପ୍ରଦେଶ ଦୁଇଜଣ ପ୍ରବାସୀ ଶ୍ରମିକଙ୍କୁ ବୁଧଗାମ ଜିଲ୍ଲାରେ ଗୁଳି କରାଯାଇଥିଲା ଏହି ଆକ୍ରମଣରେ ଉଭୟ ଆହତ ହୋଇ ଶ୍ରୀନଗରରେ ଜେଭିସି ହସ୍ପିଟାଲ ବିମନାକୁ ସ୍ଥାନାନ୍ତର ହୋଇଥିଲେ । ଯେଉଁଠାରେ ସେମାନେ ଗୁରୁତର ଅବସ୍ଥାରେ ଚିକିତ୍ସାଧୀନ ଅଛନ୍ତି।
