ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଆଜି ଆୟୁର୍ବେଦ ଦିବସ ଅବସରରେ ଦେଶବାସୀଙ୍କୁ ଶୁଭେଚ୍ଛା ଜଣାଇଛନ୍ତି । ସେ କହିଛନ୍ତି ଯେ ଭଗବାନ ଧନ୍ୱନ୍ତରୀଙ୍କ ଜୟନ୍ତୀର ଶୁଭ ଉତ୍ସବ ଆମ ମହାନ ସଂସ୍କୃତିରେ ଆୟୁର୍ବେଦର ଉପଯୋଗିତା ଏବଂ ଅବଦାନ ସହିତ ଜଡିତ । ଶ୍ରୀ ମୋଦୀ ଆତ୍ମବିଶ୍ୱାସ ବ୍ୟକ୍ତ କରିଛନ୍ତି ଯେ ଆୟୁର୍ବେଦ – ଏକ ପ୍ରାଚୀନ ଔଷଧ ପ୍ରଣାଳୀ ସମଗ୍ର ମାନବିକତାର ସୁସ୍ଥ ଜୀବନ ପାଇଁ ଉପଯୋଗୀ ହୋଇ ରହିବ ।
ଏକ୍ସରେ ଏକ ପୋଷ୍ଟରେ ଶ୍ରୀ ମୋଦୀ ଲେଖିଛନ୍ତି :
“ସମଗ୍ର ଦେଶବାସୀଙ୍କୁ ଆୟୁର୍ବେଦ ଦିବସର ଶୁଭେଚ୍ଛା । ଭଗବାନ ଧନ୍ୱନ୍ତରୀଙ୍କ ଜୟନ୍ତୀର ଏହି ଶୁଭ ଉତ୍ସବ ଆମର ମହାନ ସଂସ୍କୃତିରେ ଆୟୁର୍ବେଦର ଉପଯୋଗିତା ଏବଂ ଅବଦାନ ସହିତ ଜଡିତ, ଯାହାର ମହତ୍ୱ ଆଜି ସମ୍ପୂର୍ଣ୍ଣ ବିଶ୍ୱ ସ୍ୱୀକାର କରିଛି । ମୋର ବିଶ୍ୱାସ ଯେ ଚିକିତ୍ସାର ଏହି ପ୍ରାଚୀନ ପଦ୍ଧତି ସମ୍ପୂର୍ଣ୍ଣ ମାନବିକତାର ଆରୋଗ୍ୟପୂର୍ଣ୍ଣ ଜୀବନ ନିର୍ବାହ ପାଇଁ ନିରନ୍ତର ଉପଯୋଗୀ ହେବ ।”
